Sathipattana Retreat Centre
සතිපට්ඨාන භාවනා මධ්‍යස්ථානය
කළණ වැටේ රැකවරණය සලසා දීම අරමුණු කර ඔබ වෙනුවෙන් සැකසෙන නිවනට හිත පිහිටුවන සතිපට්ඨානඝරයයි.
“ඒකායනෝ අයං භික්ඛවේ මග්ගෝ, සත්තානං විසුද්ධියා සෝක පරිද්දවානං සමතික්කමාය දුක්ඛ දෝමනස්සානං අත්ථංගමාය ඤායස්ස අධිගමාය නිබ්බාණස්ස සච්ඡිකිරියා යදිදං චත්තාරෝ සතිපට්ඨානා”
“සතුන් ගේ වීසුදු බව සඳහා ද, සෝ වැලපුම් සංසිඳීම සඳහා ද, දුක් දොම්නස් පහ වීම සඳහා ද, නුවණ වැවීම සඳහා ද නිවන පසක් කිරීම හෙවත් ඒ අත්දැකීම සඳහා ද මේ සිහිය පිහිටවීම උසස්තම මඟ වන්නේ බව බුදුපියාණන් විසින් දේශිතය.”
සතිපට්ඨාන භාවනා මධ්‍යස්ථානයේ අරමුණු
- සසර කතරින් එතෙර වන්නට කැමති පින්වතුන්ට අවශ්‍ය මූලික දහම් අනුබෝධක් ඥානය ලබාගැනීම උදෙසා ප්‍රත්‍ය සැකසීම.
- අනුබෝධ වූ දහම් ඇති පින්වතුන් අවබෝධක් ඥානය පූර්ණය කරගැනීම දක්වා මගපෙන්වීම.
- දහම් ප්‍රත්‍යක්‍ෂ කිරීම උදෙසා වූ ආශ්‍රව පහකිරීමේ පිළිවෙත නිවැරදිව හඳුනා ගැනීමට න්‍යායාත්මක මගපෙන්වීම.
- භාවනාවෙන් කෙලෙස් පහ කිරීමට අවශ්‍ය නිදහස් කළණ මිතුරු ඇසුරට සුදුසු පරිසරයක් ගොඩනැගීම.
- හුදු ලෝකයාගේ අරමුණු අභිබවමින් පරමාර්ථය උදෙසා වූ යථාර්තයට ප්‍රායෝගික ආදර්ශයක් වීම.
මෙහි පැවැත්වීමට නියමිත වැඩසටහන් පිළිබඳව
- ඇලෙන බැඳෙන ගැටෙන ලෝකයේ අසාරත්වය මෙන්ම නිවනේ ශාන්තිය උදාහරණ උපමා සහිතව පෙන්වමින් අනුපූර්ව ශික්‍ෂණ දහම් සාකච්ඡාමය වැඩසටහන් පැවැත්වීම.
- භාවනානුයෝගීව නේවාසිකව කටයුතු කිරීමට බලාපොරොත්තු වන ගිහි පැවිදි උතුමන්ට මූලික ප්‍රායෝගික පුහුණු වැඩසටහන් පැවැත්වීම.
- නිර්වාණ මාර්ගයට ඇසුරු කළයුතු සියළු පොත්පත් සංරක්‍ෂණය කරමින්, ඒවා පරිශීලනයෙන් නැගෙන සදහම් සාකච්ඡාමය වැඩසටහන් සංවිධානය කිරීම.
- විද්‍යුත් මාධ්‍යය ඔස්සේ සජීවී ධර්ම සාකච්ඡා වැඩසටහන් සහ භාවනා වැඩසටහන් පැවැත්වීම.
- ලෝකවාසී නිවෙන්නට යන පින්වතුන්ට දහම් ගැටළු විසඳා ගැනීමට නිසි පිළිවෙත් මෙන්ම ක්‍රමවේදයන් සොයාගැනීමට නිවැරදිව මගපෙන්වීමේ වැඩසටහන් ක්‍රියාත්මක කිරීම.
පහසුකම්
- නිදහස් මානසිකත්වය ගොඩනැගෙන්නට අවශ්‍ය නිසසල පරිසරය.
- නේවාසිකව භාවනා කිරීමට අවශ්‍ය පිළිවෙලකට නිමවූ භාවනා කුටි පහසුකම්.
- පිරිසිදුව විශ්වසනීයව ආහාර දානය පිළියෙළ කරවා ගැනීමේ පහසුකම්.
- සදහම් සාකච්ඡාවන් කිරීමට අවකාශය සහ පරිසරය සකසා තිබීම.
- දහම් පොතපත පරිශීලනයට අවශ්‍ය භෞතික දහම් පුස්තකාල පහසුකම්.
- භාවනා කර්මස්ථාන සහ කාලීන උපදෙස් ලබාගැනීමට අවශ්‍ය මගපෙන්වීම.
- පාරිසරික වශයෙන් ආරක්‍ෂිත මෙන්ම නේවාසිකව සිටීමට විශ්වාසවන්ත පරිසරය.
පිහිටීම සහ පරිසරය
මහනුවර සිට කිලෝමීටර් 30ක් පමණ රාගල නුවරඑළිය මාර්ගයෙහි හමු වන අතීතයේ මහ සඟරුවන කෙතක් සේ වැඩවිසූ සඟරුවන් කෙත හෙවත් හඟුරන්කෙත ප්‍රාදේශික ට අයත් රිකිල්ලගස්කඩ නගරය මැදින් පිහිටා ඇති දිඹුල්කුඹුර මාර්ගයෙහි, දිඹුල්කුඹුර ගම්මානයට පිවිසුමෙහි ඇති බස්ටියා වත්ත හන්දියෙන් වමට හැරී විල්පස්ස වැව පාර මීටර් 400 පමණ ගමන් කිරීමෙන් දකුණින් පහලට සතිපට්ඨානඝරය පිහිටා ඇත.
නව ධර්මශාලා මන්දිරය ඉදිකිරීමේ මහා පුණ්‍යකර්මය
අවබෝධයෙන් යුතුව අරි අට මග වැඩීමට අවශ්‍ය ප්‍රත්‍ය පහසුකම් සලසා දීම උතුම් පිංකමකි
එසේම උඩින් යටින් වටින් සියලු රැකවරණයන් සිව්වනක් පිරිස උදෙසා සලසමින් මහා අනුත්තර පිංකෙත අස්සද්දන්නේ නම් සියලු උපනිශ්‍රය සම්පත් ඔවුන්ට ලැබෙනවා යන්න දේශනා කර ඇත.
“යෝච සබ්බ දදෝ හෝති – යෝ දදාති උපස්සයං”
තව තවත් විමසීමට අප බොදුනු අතීතයේ නටඹුන් දෙස හැරී බලමු. ඔබට පෙනේවි, අතීත බොදුනුවෝ තම ජීවිකා වේ පැවැත්මට අවශ්‍ය පහසුකම් අවශ්‍ය ප්‍රමාණයට සලසා ගෙන, ඒවා ආයු කාලයේ පැවැත්මට ගොඩනගා ඇතිබවත්, ඉතිරියෙන් සැමවිටම කාලය ශ්‍රමය ධනය නොඅඩුව අනුත්තර මහා පිංකෙත පළමු කොට අස්වද්දා ඇති බවත් මනාවට පසක් වෙයි. හෙල බොදුනුවන්ගේ ගෙවල් දොරවල් පරිහරණය කල දේවල් වල නටඹුන් හසු නොවන තරමටම ශාසනයේ චිර පැවැත්ම මෙන්ම එහි වටිනාකම මනාවට දැන හැඳින ගෙන ඇත.
එමනිසා ඔවුන් වෙහෙර විහාර බණ භාවනා මධ්‍යස්ථානයන් බොහොමයක්, චිරාත් කාලයක් පැවතීමේ වටිනාකම වටහාගෙන ගොඩනැගූ නිසා, වසර දහස් ගණන් ගියද ඒවා හඳුනාගැනීමට හැකිවන ලෙස නටඹුන් ඉතිරි වී තිබීම ඔවුන්ගේ අවබෝධාත්මක කැපවීම මනාව පෙන්වා දෙයි.
එයින් ඔවුන්ට මෙන්ම ලෝක සත්ත්වයන්ටද මහා සෙතක් ශාන්තියක් සිදු කරන්නට අවශ්‍ය පරිසරය සකසා ගෙන ඇත. එලෙසම අවබෝධයෙන් යුතුව පුණ්‍ය කටයුතු සඳහා සහසම්බන්ධ වීමෙන් වඳින පුදන මොහොතක් මොහොතක් නෑර ඥාති හත්මුතු පරම්පරාව ඇතුළු දිව්‍ය බ්‍රහ්ම ආදී තැන් පටන් සියලු දෙනාටම දිව රෑ පිං උනන උල්පතක් මෙන් මහා ශාන්තියක් යහපතක් උදා කර දෙනු ඇත. මෙසේ අවබෝධයෙන් යුතුව ප්‍රසාද සිත් ඇති කරගෙන සෑම සියළුදෙනා ප්‍රඥාවන්තව කරුණා සිත් පෙරදැරිව තිහේතුක සිත් පහල කර ගනිත්වා…
සතිපට්ඨානඝර භාවනා මධ්‍යස්ථානයේ කඩිනමින් ඉදිකිරීමට යෝජිත නව ධර්මශාලා මන්දිරය ගොඩනැගීමේ සම්බන්ධිකරණ මෙන්ම සංවිධාන කටයුතු මුලසිටම “නැවතීම සොයා කළණ එකමුතුව” පින්වන්ත පිරිස සැදී පැහැදී කටයුතු කරන අතර, ඔවුන් සමඟ එකුතුවී
දායකත්වයක් දැරීමට සිතැත්තෝ සාධු නදින් සහසම්බන්ධ වෙත්වා…
පහත ලින්කුවෙන් අපවෙත එවිය යුතු තොරතුරු නව ධර්මශාලා මන්දිරය උදෙසා කල ආධාරයක් සම්බන්ධවනම් එම තොරතුරු mr.amilafernando@gmail.com යන ඊමේල් ලිපිනයට හෝ +39 329 697 5472 WhatsApp අංකයට යැවීමෙන් කටයුතු පහසුවනු ඇත.
සියලු සත්ත්වයෝ නිවනට ප්‍රත්‍ය පරිසරය සකසා ගැනීමෙන් නිවනින් නිවී සැනසෙත්වා…
නව ධර්මශාලා මන්දිරය ඉදිකිරීමේ මහා පුණ්‍යකර්මය උදෙසා දායකත්වය
Donations for The Construction of Dharma Shalawa
Cost for one square feet : Rs 4000/-
මුළු වර්ග අඩි ප්‍රමාණය
Total Square Feet
ආධාර කල වර්ග අඩි ප්‍රමාණය
Donated Square Feet
ඉතිරිව ඇති වර්ග අඩි ප්‍රමාණය
Available Square Feet
සතිපට්ඨානඝර භාවනා මධ්‍යස්ථානයේ කඩිනමින් ඉදිකිරීමට යෝජිත නව ධර්මශාලා මන්දිරය ගොඩනැගීමට සිතැත්තෝ සාධු නදින් සහසම්බන්ධ වෙත්වා…!
මා නැති කල පුදනට ආනන්ද – මේ බෝ රජ ඇත ගුණ කඳ බැන්ද
බුදු වදනෙකි දෙසු මුව මකරන්ද – අපිත් වඳිමු ජයසිරි බෝ කන්ද
සම්මා සම්බුද්ධත්වය සඳහා පාරමිතා ශක්තිය කැටිවෙමින් පහලවී වදාළ බෝධීන් වහන්සේ සෙවණේ පැනනැගුණු වජ්‍රාසනය මත වැඩ හිඳිමින්, දසමාර බලයන් පරාජයට පත්කර මහා බුද්ධ රාජ්‍යයට පත්වීම සිහිකර සම්බුදු ගුණරුව ජීවමානව මැවෙන, මෙම මහා අටවිසි බුද්ධ බෝධි ප්‍රාකාරය අටවිසි බුදුපියාණන් වහන්සේලා උදෙසා මහා බුද්ධ මන්දිරයක් සාදා නිමකරනවා හා සමානව සියළු සත්ත්වයාගේ හිතසුව පිණිස ගොඩනගන්නට සුදානම් කර ඇති බැවින් මෙම මහා පුණ්‍යකර්මයට ශ්‍රම කඳුළකින් වේවා මිල මුදලකින් වේවා ඔබටත් දායකත්වයෙන් සහසම්බන්ධ වීමට හැකියාව ඇතිබව මෙසේ සිහිපත් කරමු.
සියළු සත්ත්වයෝ නිවනින් නිවී සැනසෙත්වා …!!!
මෙම මහා පුණ්‍ය භූමියට දෙස් විදෙස් රටවලින් පැමිණෙන සියළුදෙනාගේ මානසික පහසුව උදෙසාත්, භෞතික වට රැකවරණය නූතන සමාජ පරිසරයට අනුව අවශ්‍ය අංගයක් බවට නිර්මාණය වී ඇති නිසාත්, ස්ථානය බොහෝ කලක් නිරවුල්ව පවත්වා ගෙනයාම උදෙසාත්, අනවසර ලෙස පැමිණෙන අවකල් ක්‍රියාකාරීන් පැමිණීමේ අවස්ථා මගහැරීම උදෙසාත්, සතිපට්ඨානඝරය භූමි සිමාවන් ආරක්‍ෂිත වැටකින් අරක්‍ෂා කිරීමට බලාපොරොත්තු වේ. මෙම පිංකමටද දායක වීමට සිතැත්තෝ හැකි ආකාරයකින් සහසම්බන්ධ වෙත්වා…!!!
